Einföld verðlagning. Byrjaðu þegar þú ert tilbúinn.

Spurt og svarað um verð

• Þarf ég kreditkort til að prófa Mottó?

  Nei. Þú skráir fyrirtækið með kennitölu og netfangi og byrjar strax. Kort er aðeins skráð ef þú velur greidda áskrift.

• Er binding?

  Engin binding er á prufunni. Mánaðaráskrift endurnýjast mánaðarlega og þú getur stöðvað endurnýjun hvenær sem er; aðgangurinn helst út mánuðinn sem þú hefur greitt. Ársáskrift er greidd fyrir árið og gildir út það.

• Hvað gerist eftir 14 daga?

  Ef þú velur pakka heldur allt áfram óbreytt: tengiliðir, form, flæði og saga. Ef þú velur ekki pakka lokast aðgangurinn og ekkert er rukkað. Gögnin eru geymd, svo þú getur valið pakka síðar og haldið áfram þar sem frá var horfið.

• Get ég skipt um pakka síðar?

  Já. Uppfærsla tekur gildi strax og þú greiðir aðeins mismuninn fyrir það sem eftir er af tímabilinu. Lækkun tekur gildi við næstu endurnýjun.

• Hvað telst sem tengiliður?

  Gjaldskyldur tengiliður er einstaklingur sem þú getur sent til — hann hefur samþykkt tölvupóst eða SMS og er ekki útilokaður. Aðrir eru áfram í skránni án þess að telja með.

• Telja afskráðir tengiliðir með?

  Nei. Afskráðir og útilokaðir tengiliðir telja ekki með í gjaldskyldum tengiliðum. Sagan þeirra er geymd svo aldrei sé sent á þá aftur fyrir mistök.

• Hvað gerist ef ég fer yfir tengiliðafjölda?

  Ekkert er rukkað sjálfkrafa. Mottó stöðvar nýjar herferðir þar til þú hreinsar listann eða færir þig í stærri pakka. Skráningar halda áfram að berast.

• Hvað kostar SMS?

  SMS er greitt eftir notkun. Hver pakki inniheldur litla upphafsinneign í hverjum mánuði (50, 100 eða 200 SMS-hlutar). Aukainneign er keypt fyrirfram: 19 kr. á hluta, 18.900 kr. fyrir 1.000 hluta og 17,50 kr. á hluta yfir 10.000. Með íslenskum stöfum rúmast 70 stafir í hverjum hluta. Þú sérð alltaf kostnaðinn áður en þú sendir.

• Hvað eru AI-kredit?

  Mottó AI notar einingar. Hver pakki inniheldur mánaðarlegan skammt (50, 300 eða 1.500). Ný efnislína notar eina einingu, heill tölvupóstur þrjár og drög að sjálfvirku flæði tíu. Auka 500 einingar kosta 4.900 kr. án VSK.

• Get ég flutt frá Mailchimp, Brevo eða Klaviyo?

  Já. Þú getur flutt listann út sem CSV og lesið hann inn í Mottó, eða sent hann til okkar. Samþykki og afskráningar fylgja með svo skilaboð fari aðeins á rétta fólkið.

• Hjálpið þið við flutninginn?

  Já. Grunnflutningur tengiliðalista er innifalinn í öllum pökkum. Söguleg gögn, sjálfvirk flæði og sértækar tengingar falla undir aðstoðaða innleiðingu eða sérstakt tilboð.

• Hvað er innifalið í aðstoðaðri innleiðingu?

  Flutningur gagna, uppsetning vörumerkis og skráningarforms, yfirferð á samþykkjum, fyrsta herferðin, aðstoð við fyrsta sjálfvirka flæðið og grunnfræðsla. Hún kostar 49.900 kr. án VSK, eitt gjald, og er innifalin með ársáskrift að Sambandi. Við staðfestum umfangið með þér áður en vinna hefst.

• Get ég notað Mottó með WooCommerce eða Shopify?

  Já. Klúbbur inniheldur 1 netverslunartengingu og Samband 2, ásamt tekjumælingum sem tengja sölu við herferðir og flæði.

• Hvaða pakki hentar mér?

  Flest fyrirtæki velja Klúbb: segment, sjálfvirk flæði og Mottó AI ná yfir það sem vaxandi viðskiptavinaklúbbur þarf. Listi hentar fyrirtækjum sem eru að byrja að safna. Samband er fyrir netverslanir og stærri fyrirtæki sem vilja tengja samskiptin við tekjur.